Hacked by Ahlop: August 2012

Sunday, August 19, 2012

របៀបបម្លែង Power Point 2010 ទៅជាឯកសារវីដេអូ

ការធ្វើបទបង្ហាញភាគច្រើនគេប្រើប្រាស់កម្មវិធី Microsoft Power Pointដែលមានឯកសារ *.ppt* ឬ *.pptx ។ ប៉ុន្តែតើមិត្តទាំងអស់គ្នាដឹងទេថា ប្រសិនបើម៉ាស៊ីនរបស់អ្នកតម្លើងMs.Office 2010 ដោយភ្ជាប់ជាមួយPower Point ដែរនោះ ទិន្នន័យប្រភេទ.ppt ឬpptx របស់អ្នកអាចបម្លែងជាឯកសារវីដេអូបាន? តើនរណាខ្លះមានPower Point 2010ប្រើ? មិនមែនសម្រាប់ទាល់តែFile .pptx ទេ សូម្បីតែFile .ppt ក៏អាចបម្លែងបានដែរ ឲ្យតែយកមកបើក(Open with) ជាមួយPower Point ជំនាន់ថ្មីនេះ។
ដើម្បីឲ្យអស់ចម្ងល់ សូមស្វែងយល់ និងអនុវត្តន៍ជាមួយSabay ទាំងអស់គ្នា៖
ជំហ៊ានទី១៖ សូមបើក ឯកសារPower Point រួចចុចលើ “Backstage View” ដោយចូលទៅកាន់ File drop down menu។

ជំហ៊ានទី២៖ បន្ទាប់ពីបានបើក “Backstage View” សូមចុច “Save and Send”។

ជំហ៊ានទី៣៖ បន្ទាប់មកសូមចុច “Create a Video”។

ជំហ៊ានទី៤៖ អ្នកត្រូវរើសយកOption ដទៃទៀតដូចជាកំណត់ទំហំវីដេអូ, និងកំណត់ចំនួនវិនាទីដើម្បីបង្ហាញតាមការកំណត់ល្បឿនផ្លាស់ប្ដូរ ពី slideមួយទៅslideមួយទៀត។ បន្ទាប់មកចុចលើប៊ូតុង Create a Video។

ជំហ៊ានទី៥៖ បន្ទាប់ពីបានចុចលើប៊ូតុង “Create Video” រួចវានឹងបង្ហាញផ្ទាំងថ្មីដើម្បីជ្រើសរើសទីតាំងសម្រាប់រក្សាទុក ឯកសារវីដេអូដែលមានប្រភេទជា “.wmv” រួចចុចប៊ូតុង”Save” ម្ដងទៀត។

ជំហ៊ានទី៦៖ បន្ទាប់មកវានឹងចាប់ផ្ដើមបម្លែង សូមរង់ចាំរហូតដល់ Progress bar ស្ថិតនៅផ្នែកខាងក្រោមរបស់ Microsoft Power Point ២០១០ បញ្ចប់។

ជំហ៊ានទី៧៖ បន្ទាប់ ពីបានធ្វើតាមដំណាក់កាលខាងលើរួចមក សូមបើកFile Power point តាមរយៈកម្មវិធីចាក់វីដេអូប្រភេទណាមួយ ដែលSupport file «wmv»ជាការស្រេច។

Saturday, August 18, 2012

ត្រៀមខ្លួនទទួល iPhone 5 ហើយឬនៅ?

បណ្ដាញសារព័ត៌មានធំៗនៅជុំវិញពិភពលោក កំពុងតាមដានយ៉ាងយកចិត្តទុកដាក់ពីព័ត៌មានផ្សេងៗជុំវិញការចេញលក់ iPhone 5 ដោយពួកគេគិតថាទូរស័ព្ទជំនាន់ចុងក្រោយរបស់ក្រុមហ៊ុន Apple មួយនេះនឹងបង្ហាញខ្លួននៅថ្ងៃទី ១២ ខែ កញ្ញា ខាងមុខនេះ ស្របពេលដែល Apple គ្រោងរៀបចំកម្មវិធីដ៏ពិសេសមួយនៅពេលនោះ។
យ៉ាង ណាមិញ នៅប្រទេសកម្ពុជាព័ត៌មានជុំវិញការចេញលក់ iPhone 5 ក៏មានការរំជើបរំជួលមិនធម្មតាដែរ ដោយហាងទូរស័ព្ទធំៗមួយចំនួនបានប្រកាសថា ទូរស័ព្ទថ្មីដ៏ទំនើបនេះនឹងមកដល់ក្នុងពេលឆាប់ៗខាងមុខនេះ។ ព័ត៌មានជាហូរហែបាននិយាយពីរូបរាងនិងលក្ខណៈសម្បត្តិមួយចំនួនរបស់ iPhone 5 ប៉ុន្តែមិនមានការអះអាងជាផ្លូវការណ៍នោះទេ។

រូបភាព Print Screen របស់ iPhone 5 នៅហាងហាក់ សែ

ប្រភព ចចាមអារ៉ាមបានអះអាងថា iPhone ជំនាន់ក្រោយរបស់ក្រុមហ៊ុន Apple ភ្ជាប់មកជាមួយ Chip ថ្មីផលិតដោយ Samsung ប្រភេទ 5L8950X ARM (A5-***) មានសមត្ថភាពខ្លាំងជាងប្រភេទ S5L8940X (A5) ដែលមាននៅលើ iPhone 4S និងប្រភេទ S5L8945X (A5X) ដែលមាននៅលើ The new iPad។ ក្រៅពីនេះ វាបំពាក់ប្រព័ន្ធប្រតិបត្តិការថ្មី iOS 6 រួមជាមួយអេក្រង់ប្រភេទRetina display ទំហំ ៣,៩៥ អ៊ីញ resolution 640 x 1,136-pixel , Connector ទំហំតូចជាង iPhone ជំនាន់មុនៗ , Ram ទំហំ 1GB កើនឡើងគុណនឹង២បើធៀបនឹង iPhone 4S ដែលមានទំហំត្រឹមតែ 512MB។
តើ iPhone 5 នឹងទទួលបានការគាំទ្រយ៉ាងណាខ្លះពេលមកដល់ស្រុកខ្មែរ? ចាំតាមដានទាំងអស់គ្នា!

Friday, August 17, 2012

ដុង ហេ ឈ្នះពានក្នុងរឿង “ស្នាមញញឹមជាថ្មី”

ផ្សាយក្នុងផ្នែក Sabay តារា ដោយ huychanthary កាលពី 87 days ago

តារាសម្តែង កូរ៉េខាងត្បូង Ji Chang Wook ដែលមិត្តអ្នកអានភាគច្រើនស្គាល់លោកថា ដុង ហេ ឬ Karl Laker តាមរយៈការសម្តែងរឿងស្នាមញញឹមជាថ្មី(Smile, Dong Hae ឬ Smile Again) បានឈ្នះពានរង្វាន់ តារាសម្ដែង ល្អឥតខ្ចោះសម្រាប់ខ្សែភាពយន្តភាគស្នាមញញឹមជាថ្មីនេះ ( Excellence Award for Daily Drama, Actor)។

ឈ្មោះ	ថ្ងៃខែឆ្នាំកំណើត	កម្ពស់	សញ្ជាតិ	ផលិតកម្ម
Ji Chang Wook	៥ កក្កដា ឆ្នាំ ១៩៨៧	១៨២សង់ទីម៉ែត្រ	កូរ៉េខាងត្បូង	Glorious Entertainment

Ji Chang Wook គឺជាតារាសម្ដែងល្បីឈ្មោះ និង ទទួលស្គាល់ពីសាធារណៈជនបន្ទាប់ពីគេបានសម្តែងក្នុងរឿង Hero, Smile Again(Smile, Dong Hae) និង រឿង Warrior Baek Dong Soo។

វត្តមានសម្តែងក្នុងរឿងភាគទូរទស្សន៍(TV Shows)

Bachelor’s Vegetable Store (Channel A, 2011)
Warrior Baek Dong Soo (SBS, 2011)
Smile, Dong Hae (KBS1, 2010)
Hero (MBC, 2009)
The Sons of Sol Pharmacy House (KBS2, 2009)
You Are Very Good (KBS2, 2008)

ភាពយន្ត

Gosa / Death Bell 2 (2010)
Sleeping Beauty (2007)
ពានរង្វាន់

ពាន រង្វាន់តារាសម្តែងល្អឥតខ្ចោះឆ្នាំ២០១១ ក្នុងរឿងភាគ ស្នាមញញឹមជាថ្មី ឬ ញញឹម Dong Hae របស់ប៉ុស្តិ៍ទូរទស្សន៍ KBS (Excellence Award for Daily Drama, Actor)
និង ពានរង្វាន់តារាសម្តែងថ្មីឆ្នើមឆ្នាំ ២០១១ ក្នុងរឿង Warrior Baek Dong Soo របស់ប៉ុស្តិ៍ទូរទស្សន៍ SBS

ខាងក្រោមនេះ គឺអ្វីដែល ដុង ហេ បានរៀបរាប់ ៖

“ឈ្មោះ របស់ខ្ញុំគឺ Ji Chang Wook ។ ខ្ញុំកើតនៅថ្ងៃទី ៥ ខែ កក្កដា ឆ្នាំ ១៩៨៧។ ខ្ញុំជាកូនតែម្នាក់គត់នៅក្នុងគ្រួសារ។ ពេលនៅផ្ទះ ខ្ញុំជាមនុស្សស្ងៀមស្ងាត់ម្នាក់ ហើយពេលខ្លះខ្ញុំក៏ជាមនុស្សត្រគោះបោះបោកម្នាក់ដែរ។
កាលខ្ញុំរៀននៅវិទ្យាល័យ ខ្ញុំចង់ធ្វើជាស្ថាបត្យករ ឬ វិស្វករម្នាក់ ប៉ុន្តែខ្ញុំមិនដឹងពីមូលហេតុជាក់លាក់ដែលធ្វើឲ្យខ្ញុំចង់ ចាប់ជំនាញបែបនេះនោះទេ។ ពេលខ្ញុំនៅក្មេង សុបិនរបស់ខ្ញុំរេដូចខ្យល់ ពេលខ្លះខ្ញុំចង់ក្លាយជា មន្ត្រីប៉ូលិស គ្រូបង្រៀន ចៅក្រម មេធាវី វេជ្ជបណ្ឌិត និង ការងារជាច្រើនទៀត។ ប៉ុន្តែ ចិត្តរបស់ខ្ញុំផ្លាស់ប្តូរ នៅពេលខ្ញុំចាប់ផ្តើមប្រឈមមុខនឹងទិដ្ឋភាពពិតជាក់ស្តែង(សើច)។

នៅ ពេលខ្ញុំរៀននៅថ្នាក់ middle school (ថ្នាក់រៀនសម្រាប់សិស្សអាយុចន្លោះពី ៩ ទៅ ១៤ឆ្នាំ) គ្រូបង្រៀននៅសាលារបស់ខ្ញុំបានហៅឈ្មោះសិស្សដែលបានពិន្ទុខ្ពស់ ជាងគេ ៥០ នាក់នៅក្នុងសាលាទាំងមូលឲ្យក្រោកឈរដើម្បីទទួលការទះដៃអបអរសាទរ ពីសិស្សដ៏ទៃទៀត។ ខ្ញុំពិតជាអន់ចិត្តណាស់ដែលខ្ញុំមិនមែនជាសិស្សម្នាក់ក្នុង ចំណោមសិស្សទាំងនោះ ដូច្នេះចាប់ពីថ្ងៃនោះមក ខ្ញុំក៏បានបង្ខំខ្លួនឯងឲ្យព្យាយាមរៀនសូត្រ។ ចុងបញ្ចប់ ឈ្មោះរបស់ខ្ញុំក៏ត្រូវបានលោកគ្រូហៅឲ្យក្រោកឈរទទួលការទះដៃ សាទរពីសិស្សដទៃ ប៉ុន្តែខ្ញុំយល់ថា ខ្ញុំដូចជានៅក្មេងពេកក្នុងការស្គាល់ពីអារម្មណ៍រីករាយដែល ទទួលបានការទះដៃពីមិត្តរួមថ្នាក់។
នៅពេលខ្ញុំ ដាក់ពាក្យចូលរៀននៅក្នុងដេប៉ាតាម៉ង់ភាពយន្ត (Department of Theater and Film) នៃសាកលវិទ្យាល័យ Dankook ខ្ញុំបានសម្តែងបទចម្រៀង “Les Miserables” សម្រាប់ការធ្វើតេស្តចូលរៀន។ ខ្ញុំតែងតែមានចំណាប់អារម្មណ៍នៅក្នុងពិភពតន្ត្រី និង ចូលចិត្តផលិតកម្មធំៗ។ ប៉ុន្តែ ខ្ញុំបែរជាជ្រើសយកផលិតកម្មតូចទៅវិញដោយសារតែខ្ញុំចង់ចូលឲ្យ ជិតទស្សនិកជនដើម្បីអាចទំនាក់ទំនាក់ជាមួយពួកគេឲ្យបានកាន់តែ ប្រសើរ។
នៅពេលខ្ញុំសម្តែងក្នុងបទចម្រៀងជាក់ស្តែងមួយនៅ ផ្លូវ Daehakro(ផ្លូវវប្បធម៌) ខ្ញុំពិតជាច្របូកច្របល់ក្នុងចិត្តណាស់។ នៅពេលនោះខ្ញុំគឺជាតារាសម្តែងដែលក្មេងជាងគេបំផុត ហើយខ្ញុំបានផ្តល់សំពាធដល់ខ្លួនឯងដោយគិតថាខ្ញុំអាចនឹងក្លាយជា តារាសម្តែងដែលសម្តែងអន់បំផុត។ ខ្ញុំព្យាយាមបើកចិត្តឲ្យទូលាយដើម្បីប្រឈមមុខនឹងអ្វីៗទាំងអស់ ប៉ុន្តែខ្ញុំបែរជាបិទផ្លូវខ្លួនឯងខ្ញុំមិនឲ្យបង្ហាញសក្ដានុពល ពិតប្រាកដរបស់ខ្ញុំ។
ខ្ញុំចូលចិត្តមើលភាពយន្ត។ ខ្ញុំចូលចិត្តមើលគ្រប់ប្រភេទរឿងទាំងអស់ ប៉ុន្តែបើឲ្យខ្ញុំរើសយកមួយ ខ្ញុំគិតថាខ្ញុំចូលចិត្តមើលរឿងបែបស៊ើបអង្កេតដោះស្រាយរឿង ឧក្រិដ្ឋកម្ម។ បើនិយាយពីតារាសម្តែងវិញ Brad Pitt គឺជាតារាសម្តែងដែលខ្ញុំចូលចិត្ត។
ខ្ញុំចូលចិត្តធ្វើ លំហាត់ប្រាណ។ នៅពេលខ្ញុំជាសិស្សម្នាក់ ខ្ញុំធ្លាប់រត់ប្រណាំងជាមួយមិត្តភក្តិ លេង បាល់ទាត់ និង បាល់បោះ ហើយពេលខ្លះខ្ញុំហែលទឹកច្រើនដងណាស់។ នៅក្នុងសាលារបស់ខ្ញុំ មានកន្លែងហាត់ប្រាណ និង អាងហែលទឹក។ នៅពេលណាខ្ញុំទំនេរខ្ញុំតែងតែទៅជួបមិត្តភ័ក្តិរបស់ខ្ញុំនៅ ស្រុកកំណើតទីក្រុង Anyang ហើយពួកយើងតែងតែទៅលេងហ្គេមនៅផ្លូវលេខ ១ ឬ ក៏ទៅហាងអ៊ីនធឺណិតដើម្បីលេងហ្គេមអនឡាញ។ នៅពេលជួបជាមួយមិត្តភ័ក្តិនៅមហាវិទ្យាល័យរបស់ខ្ញុំវិញ ពួកយើងតែងតែនិយាយសួរនាំគ្នាពីបញ្ហាលំបាកក្នុងការងារ ប៉ុន្តែបើខ្ញុំមានបញ្ហាផ្ទាល់ខ្លូនខ្ញុំនឹងទៅជួបមិត្តភ័ក្តិ ស្និទ្ធស្នាលរបស់ខ្ញុំ។
បើខ្ញុំមានពេលទំនេរខ្ញុំចង់រៀនលេងឧបករណ៍តន្ត្រី ជាពិសេសខ្ញុំចង់រៀនពីរបៀបដេញហ្គីតា។ ខ្ញុំមិនមែនជាអ្នកលេងហ្គីតា ល្អឥតខ្ចោះនោះទេ ប៉ុន្តែខ្ញុំចូលចិត្តវា ហើយខ្ញុំក៏ចង់បន្តរៀនលេង piano ផងដែរ។ នៅពេលខ្ញុំនៅក្មេង ខ្ញុំធ្លាប់រៀនលេង piano ប៉ុន្តែខ្ញុំបានអង្វរម៉ាក់របស់ខ្ញុំឲ្យគាត់អនុញ្ញាតឲ្យខ្ញុំ ឈប់រៀន ពីព្រោះខ្ញុំស្អប់វាខ្លាំងណាស់។ មនុស្សជាច្រើនប្រាប់ខ្ញុំថា ខ្ញុំមានមុខមាត់ដូច Jonathan Rhys Meyers ហើយ ពេលខ្លះគេដាក់ឈ្មោះក្រៅឲ្យខ្ញុំថា Jonathan” ៕

អាហារជួយឲ្យសក់ភ្លឺរលោង

សក់ជាផ្នែកមួយ ដែលជួយបង្កើនសម្រស់មនុស្សម្នាក់ៗ។ មនុស្សជាច្រើនងាកទៅរកវិធីសាស្ត្រថែរក្សាសរសៃសក់ផ្សេងៗ គ្នា ធ្វើយ៉ាងណាឲ្យទទួលបានភាពភ្លឺរលើបរលោងដូចជាផលិតផលសម្រាប់ កក់ អប់ និងវិធីសាស្ត្រជំនួយដទៃទៀត។ នេះគ្រាន់ជាជ្រុងមួយប៉ុណ្ណោះ បើក្រឡេកមើលឲ្យច្បាស់ ការជ្រើសរើស អាហារ ត្រឹមត្រូវក៏ជួយឲ្យសក់របស់អ្នកភ្លឺរលើបរលោងដែរ។ តើអាហារទាំងនោះមានអ្វីខ្លះទៅ?

ប្រេងរុក្ខជាតិ

សារជាតិ omega-3 fatty acids ក្នុងស៊ុត ត្រីសូម៉ុង នឹងជួយឲ្យសក់ភ្លឺរលោង។ ប្រេងប្រភេទនេះក៏មាននៅក្នុងប្រេងរុក្ខជាតិ តែសម្បូរខ្លាំងក្នុងស៊ុត និងខ្លាញ់ត្រី។ ប្រូតេអ៊ីនក្នុងអាហារទាំងនេះក៏ជួយឲ្យសរសៃសក់រឹងមាំ និងមាន សុខភាព ល្អផងដែរ។

ផ្លែប៊ឺ
រុក្ខជាតិនេះពោរពេញទៅដោយវីតាមីន E។ អ្នកក៏អាចយក វាមកកិនបញ្ចូលគ្នានឹង ស៊ុត ទឹកដោះគោជូរហើយលាបលើសក់។ បន្ទាប់មក អប់ទុករយៈពេល ២០ នាទី មុនពេលលាងនឹងសាប៊ូ។ វីតាមីន E ជួយឲ្យពណ៌សក់អ្នកភ្លឺជាងមុន និងបង្ការសក់បែកចុង។

ប្រេងដូង

វា មានអត្ថប្រយោជន៍ធ្វើឲ្យសក់ភ្លឺរលោង និងមានសុខភាពល្អ។ អ្នកអាចប្រើប្រេងដូង ដើម្បីចម្អិនម្ហូបអាហាររបស់អ្នក ឬលាបសក់។ ត្រូវញីវាឲ្យដល់ស្បែកក្បាល និងទុកចោលរយៈពេល ៣០ នាទីមុននឹងលាងសម្អាត។ ប្រេងដូងមានសារធាតុដែលអាចជួយការពារ និងព្យាបាលអង្គែ និងបញ្ហាស្បែកក្បាលដទៃទៀត។

ផ្លែឈើដែលមានវីតាមីន C

ផ្លែឈើ ដែលសម្បូរទៅដោយវីតាមីន C ដូចជា ក្រូច ម្នាស់ និងស្ត្រប៊ឺរីជួយរក្សាសុខភាពសក់ឲ្យមានសុខភាពល្អ។ អាហារដែលមិនសូវមានវីតាមីន C អាចធ្វើឲ្យសក់ស្ងួត ឬបែកចុង។ សារធាតុ antioxidants ក្នុងផ្លែឈើទាំងនេះនឹងការពារសក់អ្នកពីសារធាតុពុលទាំងឡាយផង ដែរ។

រវាងការព្យាបាលសក់ និងការញ៉ាំអាហារទាំងនេះ តើអ្នកយល់ថា មួយណាប្រសើរជាង?

Thursday, August 16, 2012

សុខភាពនឹងអាហារសំរាប់ជំនួយរាងកាយ

Instructions

Step 1 Heat half the oil in a wok or frying pan over a high heat. Add meat and stir-fry for a few minutes until cooked. Remove from wok. Set aside.

Step 2 Return wok to a high heat and add remaining oil. Stir-fry onions, garlic and ginger for 2 minutes then add remaining vegetables. Stir-fry until almo

st cooked.

Step 3 Return meat to wok. Add sauce. Stir-fry until sauce is evenly mixed through and everything is hot. Serve immediately with rice or noodles.

Note: Nutrition information and costings apply to basic recipe only, and exclude sauce.

Variations

Fried rice with prawns: (Pictured) Use peeled, de-veined prawns as the meat. Use any vegetables. When vegetables are nearly cooked (Step 2) and before adding prawns, add 2 cups cooked rice to the pan. Stir to break up rice. Make stir-fry sauce using 2 tablespoons salt-reduced soy sauce, 1 teaspoon fish sauce, 1 tablespoon oyster sauce and 1 teaspoon sweet chilli sauce. Stir-fry for a few minutes then add cooked prawns. Stir-fry for a few more minutes then serve topped with sliced spring onions.
Honey soy chicken: Use lean chicken breasts and cut in strips or small pieces. Make stir-fry sauce using 1/3 cup salt-reduced soy sauce, 2 tablespoons honey, 1 teaspoon sweet chilli sauce and 1 teaspoon sesame oil.
Sweet and sour pork: Use lean pork fillets and cut in small pieces. Include red and green capsicum and pineapple pieces in the vegetable mix. Make stir-fry sauce using 1/2 cup pineapple juice, 1 tablespoon brown sugar, 1 tablespoon salt-reduced soy sauce, 1 1/2 tablespoons white vinegar, 2 tablespoons tomato sauce and 1 tablespoon cornflour.
Beef teriyaki: Use lean beef such as rump or schnitzel as the meat. Cut in long strips. Choose green vegetables. Make stir-fry sauce using 1/4 cup salt-reduced soy sauce, 1 tablespoon oyster sauce and 1 tablespoon honey. Marinate meat for at least half an hour. Remove meat from marinade to cook. Reserve marinade to add at the end as sauce.
Chicken with sweet chilli and cashew nuts: Use lean chicken breasts as the meat. Cut in small pieces. Use celery, snow peas, button mushrooms, red capsicum and spring onions as the vegetables (but any vegetables will do). Make stir-fry sauce using 2 tablespoons sweet chilli sauce, 3 tablespoons salt-reduced soy sauce and 2 tablespoons hoisin or oyster sauce. Stir cashew nuts through just before serving.
Beef or chicken satay: Use lean beef such as rump or schnitzel or lean chicken breast as the meat. Make stir-fry sauce using 1 tablespoon salt-reduced soy sauce, 2 tablespoons peanut butter, 2 tablespoons sweet chilli sauce, 2 tablespoons honey and 1/4 cup water or stock. As a variation, thread chicken or beef chunks on bamboo skewers and marinate in the sauce. Grill or barbecue and serve with stir-fried vegetables on top of rice.
Vietnamese ginger chilli chicken: Use lean chicken breasts as the meat. Finely chop 1 small red chilli and stir-fry with onions, garlic and ginger (Step 2). Use green vegetables such as snow peas, spring onions, courgettes, broccoli, green capsicum include 2 handfuls bean sprouts. Make stir-fry sauce using 2 tablespoons lemon or lime juice, 2 tablespoons water, 2 tablespoons fish sauce, 2 tablespoons sweet chilli sauce and 2 teaspoons cornflour.
Thai chicken curry: Use lean chicken breasts as the meat. Omit ginger and garlic (Step 2). Instead add 2 tablespoons Thai green curry paste to softened onion. Add cooked chicken to the mix with half a 400g can light coconut milk, 150ml water, 1 tablespoon fish sauce and 1 tablespoon lemon or lime juice. Simmer for about 10 minutes then add 2-3 cups frozen green beans. Sim

mer for a few more minutes then serve topped with sliced spring onions. If you prefer a sweeter flavour, add a little sweet chilli sauce.
Tofu, broccoli and cashew nuts with noodles: Omit the meat. Stir-fry onion, garlic and ginger (Step 2). Chop 1 head of broccoli in small florets and use with 3 sliced spring onions and one 410g can baby corn (drained) as the vegetables. Make stir-fry sauce using 2 tablespoons sweet chilli sauce, 2 tablespoons salt-reduced soy sauce and 1 tablespoon oyster sauce. Towards end of cooking, add 3/4 cup raw cashews, 1 block tofu chopped in 2cm squares and pre-cooked hokkien, egg, rice or udon noodles. Gently stir-fry until heated through.
Calamari and vegetables: Use fresh or frozen calamari rings as the meat. Use any vegetables but include button mushrooms and spring onions. Make stir-fry sauce using 1 tablespoon fish sauce, 1 tablespoon lime or lemon juice and 1 tablespoon sweet chilli sauce.

ស្នហ៏ខ្ញុំ

ខ្ញុំធ្លាប់គិតថា ស្នេហាគ្រាន់តែជាអារម្មណ៏របស់មនុស្ស ដូច្នេះមិនគួរស្រលាញ់អ្វីមួយឲ្យអស់ពី ចិត្តឡើយ ជីវិតគ្មានស្នេហាគ្មានការឈឺចាប់ គ្មានការខ្វាយខ្វល់ ក៏គ្មានការរង់ចាំ ហើយក៏រស់នៅដោយមានសេរីភាពផងដែរ គ្រាន់តែឯកោបន្តិចប៉ុណ្ណោះ។ ពេលវេលារបស់ខ្ញុំក្រៅពីធ្វើការ គឺ សំងំ លាក់ ខ្លួន នៅកនែ្លង ដែលគ្មានអ្នកណាស្គាល់ ក្រៅពីមិត្តរួមការងារ ខ្ញុំអត់មានមិត្តភ័ក្ដិឡើយ។
សម្ព័នភាព ជាមិត្តត្រូវបានកាត់ផ្តាច់តាំងពីពេលដែលខ្ញុំឈប់រៀនម្ល៉េះ ស្របពេលខ្ញុំប្តូរទីលំនៅទៀតនោះ ខ្ញុំប្រៀបដូចជាមនុស្សចំលែកនៅក្នុងពិភពមួយដែលគេក៏មិនស្គាល់ ខ្ញុំ ៗក៏មិនស្គាល់គេ ប៉ុន្តែអ្វីៗស្រាប់តែប្រែប្រួល នៅពេលជីវិតដ៏ធម្មតារបស់ខ្ញុំជួបនឹងគេ កន្លែងដែលខ្ញុំគិតថា គ្មានអ្នកណាទៅដល់ តែបែរជាជួបគេ ប្រាកដណាស់វាជាការចៃដន្យ។

sad_lost_little_girl__by_bemynauticalstar

នៅ លើលោកយើងនេះ មានរឿងចៃដន្យច្រើនណាស់ ព្រោះតែការចៃដន្យទើបជុំរុញឲ្យក្លាយជាការចាំបាច់ លើកទីមួយជាការចៃដន្យ តែក្រោយមកជាចេតនាមិនខ្វល់ថាគេរឺខ្ញុំកន្លែងនោះក្លាយជាកន្លែង ដែលពួកយើងតែងតែជួបគ្នា ភាពស្និទស្នាលកើតឡើងម្តងបនិ្តចៗរហូតដល់ពាក្យថា ស្រលាញ់ចេញពីមាត់របស់គេ ហើយខ្ញុំក៏ចាប់ផ្តើមគិតៗពីទង្វើកន្លងមករបស់គេ។
ជាការពិត ណាស់នៅកែ្បរគេ ខ្ញុំមានអារម្មណ៏សប្បាយចិត្ត គេបានបំពេញភាពយុវវ័យដែលខ្ញុំបាត់បង់និង អារម្មណ៏ប្លែកៗជាច្រើនទៀត ប៉ុន្តែនៅពេលដែលគេសន្យាថានៅជាមួយខ្ញុំតែបែរជាទុកខ្ញុំចោលម្តងជា ពីរដង ទើបខ្ញុំដឹងថាគេមិនបានចូលទៅដល់ ពិភពរបស់ខ្ញុំឡើយ ប្រហែលជាគេក៏ដូចជាយុវវ័យដទៃទៀតដែរ ចូលចិត្តសប្បាយ ដើរលេងច្រើន មានអ្វីៗគ្រប់យ៉ាងដោយមិនបាច់ខំប្រឹងទើបមិនសូវខ្វល់ពីររឿងអនាគត ផ្ទុយពីខ្ញុំដែល ព្យាយាមធ្វើអ្វីៗពឹងលើខ្លួនឯង មានជីវិតដែលពោរពេញដោយការតស៊ូ។ ពួកយើងប្រហែលជា គ្មានថៃ្ងអាចទាញគ្នាចូលឡើយ ខ្ញុំគ្រាន់តែប្រាប់គេថាកុំគិតអ្វីលើសពីមិត្តភ័កិ្តអី ជាបែបនេះគឺល្អ បំផុតហើយ គេមិនបានថា អ្វីទេគ្រាន់តែសួរ ថាហេតុអី?
ខ្ញុំពន្យល់គេថា ពួកយើងមានកត្តាជាច្រើនដែលខុសគ្នា ហើយគេក៏នៅខ្វះខាតច្រើននូវលក្ខខ័ណ្ឌដែលខ្ញុំចង់បាន ពេលនោះគេនៅស្ងៀមហើយសួរខ្ញុំចុងក្រោយថា ពីដើមមកធ្លាប់ស្រលាញ់គេទេ តែបន្តិចក៏បានដែរ? ចំលើយ របស់ខ្ញុំគឺមិនធ្លាប់ទេ ពីមុនគិតចំពោះគេយ៉ាងម៉េច?
ឥលូវ ក៏ឥចឹង ថៃ្ងក្រោយក៏ចឹងដែរ……ចាប់ពីពេលនោះមកគេបានបាត់ខ្លួនចេញពីជីវិត ខ្ញុំ ទើបខ្ញុំប្រទះឃើញថាសូម្បីគេជាអ្នកណា? មកពីណា ខ្ញុំបែរជាមិនច្បាស់ ក៏មិនអាចទាក់ទងគេបាន ការចាកចេញទៅរបស់គេធ្វើអោយខ្ញុំ យល់ថាគេក៏ដូចប្រុសដទៃដែរ ស្រលាញ់មិនបានក៏បោះបង់ដោយមិនគិតនឹងតស៊ូសូម្បីតែបនិ្តច ខ្ញុំត្រលប់ទៅជីវភាពកាលពីមុនវិញ ប៉ុន្តែចិត្តខ្ញុំប្រែប្រួលហើយ ពេលខ្លះខ្ញុំនឹកដល់គេនឹក ដល់ពេលវេលានៅក្បែរគ្នាវាជាអារម្មណ៏ត្រូវការមនុស្សនៅក្បែរ រឺក៏ស្រលាញ់នោះខ្ញុំក៏មិនច្បាស់ដែរ រឺតាមពិតមនុស្សឯកាត្រូវការស្នេហាមកបំពេញទើបអាចបំបាត់ភាពឯកា បាន?
ខ្ញុំចាប់ផ្តើមសាកល្បងកែប្រែខ្លួនឯងធ្វើជាមនុស្សរស់ រាយ មានស្នាមញញឹមលើផៃ្ទមុខ បង្កើតទំនាក់ទំនងជាមួយអ្នកដទៃ ពិតជាបានផលមែនមានមនុស្សជាច្រើនចូលចិត្តខ្ញុំ តែគួរអោយស្តាយខ្ញុំបែរជាមិនសប្បាយចិត្ត ខ្ញុំសាកល្បងម្តងទៀត ទៅធ្វើជាក្មេងយុវវ័យដែលចូលចិត្តបណ្តើរអ្នកនេះបន្តិច អ្នកនោះបន្តិចក៏នៅតែមិនបានផល មិនថាប្រឹងប្រែងប៉ុនណាខ្ញុំមិនអាចចាកចេញពីភាពឯកា មានតែយកការងារមកសំលាប់ពេលវេលារបស់ខ្លួនឯង ក្រៅពីធ្វើការ ញុំាបាយនិងគេង។
ឆាកជីវិតស្ទើរតែគ្មានអ្វីសោះ ពេលខ្លះធុញទ្រាន់តែខ្ញុំគ្មានមធ្យោបាយរកច្រកចេញឲ្យប្រសើរបាន បើចាំមិនខុសទេគឺមួយឆ្នាំក្រោយ គេត្រលប់ចូលមកក្នុងជីវិតខ្ញុំម្តងទៀត ដោយនាំមកនូវភាពភ្ញាក់ផ្អើល។ កាលដែលគេបាត់ទៅព្រោះតែទៅ រៀនបន្តនៅបរទេស។ គេប្លែកច្រើនណាស់មិនថា ការស្លៀកពាក់ ការតុបតែងខ្លួន និងចរិកប្ញកពារ។ ពួកយើងត្រលប់មកស្និទស្នាលនិងគ្នាដូចមុន គេប្រាប់ខ្ញុំនូវរឿងជាច្រើន ទាក់ទងនិងការធ្វើការ សិក្សាព្រមទាំងគ្រួសារ បើប្រៀបធៀបទៅគឺខុសគ្នាឆ្ងាយណាស់កាលពីមុនខ្ញុំមិនដឹងអ្វីពីគេច្រើនឡើយ គេបានសុំស្រលាញ់ខ្ញុំម្តងទៀត ខ្ញុំនៅតែរារែក។
កាលដែលគេកែ ប្រែខ្លួនទីមួយព្រោះបងស្រីនិងប៉ាម៉ាក់គេ ចំណែកមនុស្សទីពីរគឺខ្ញុំនេះឯង គេចង់ធ្វើខ្លួនឲ្យសាកសមនឹងខ្ញុំព្រោះខ្ញុំធ្លាប់ថាឲ្យគេខ្វះខាត ច្រើន គេសុំឲ្យខ្ញុំជឿគេទាំងដែរគេត្រូវទៅរៀនតនៅបរទេសទៀត ខ្ញុំមិនបានជឿជាក់លើស្នេហាដល់ម្លឹងទេ បីឆ្នាំរឺក៏ប្រាំឆ្នាំទៅមុខទៀត ឆអ្នកណាទៅដឹងថាមានរឿងអីកើតឡើងខ្លះនោះ?
អ្វីៗអាចប្រែប្រួល ជាពិសេសចិត្តមនុស្សហើយខ្ញុំក៏មិនចង់ចងខ្លួនឯងដែរ គេគ្រាន់តែនិយាយថាបើគេប្រែប្រួលគេប្រែប្រួលយូរហើយមិនចាំបាច់ ត្រលប់មករកខ្ញុំវិញនោះទេ ហើយគេក៏មិនសុំឲ្យខ្ញុំចាំដែរគ្រាន់តែមិនមានអ្នកណាបានហើយ ប៉ុន្តែវាខុសគ្នាត្រង់ណាទៅ? មិនចាំតែ ក៏មិនមានអ្នកណា? ខ្ញុំសួរខ្លួនឯងថា តើខ្ញុំស្រលាញ់គេទេ? ចំលើយគឺ មិនហ៊ានស្រលាញ់ព្រោះខ្លាចខូចចិត្ត ពេលនេះខ្ញុំមិនដឹងថាគួរធ្វើបែបណាចំពោះគេទេ? តើគេស្រលាញ់ខ្ញុំស្មោះមែនរឺអត់? តើការឃ្លាតកាយសុទ្ធតែណាយចិត្តមែនទេ? តើខ្ញុំគួរតែចាំគេរឺ ក៏ធ្វើដូចដែរគេ និយាយមិនចាំតែក៏មិនមានអ្នកណា??? រឺមួយបដិសេធគេម្តងទៀត??? ជាចុងក្រោយ សូមអរគុណបងសប្បាយនិងមិត្តអ្នកអានដែលចំណាយពេលមានតំលៃអានរឿងរបស់ខ្ញុំនិងជួយផ្តល់មតិ សូមសំណាងល្អ!!!

អាង សុនីតា តែម្ដងចង់រាង…!

រោយបានក្លាយជាតួឯកតែមួយរឿង តារាសម្ដែងវ័យក្មេងកញ្ញា អាង សុនីតា ស្រាប់តែធ្លាក់ពាក្យថា “ចង់រាង” ទៅហើយ ព្រោះតែនាងហត់នឿយខ្លាំងពេក ទើបលែងចង់សម្ដែងរឿងតទៅទៀត។
មុន ការអះអាងបែបនេះ ទស្សនិកជនសម្គាល់ឃើញថា អាង សុនីតា បានស្ងប់ស្ងាត់មួយរយៈឈឹង ពិសេស គឺក្រោយពីខ្សែភាពយន្តភាគមួយរឿងមានចំណងជើងថា “ម្លប់ឈើផ្ដើមស្នេហ៍” ដែលនាងកញ្ឆក់បានតំណែងតួឯកលើកដំបូង ត្រូវបានបញ្ចាំងចប់នៅលើកញ្ចក់ទូរទស្សន៍បាយ័នព័ត៌មាន។ បន្ទាប់ពីនោះ គេមិនឃើញនាងបង្ហាញវត្តមានក្នុងរឿងក្រោយៗទៀតទេ ដែលនាំឲ្យមហាជនមានមន្ទិលថា នាងមានធុរៈអ្វី ឬកំពុងមានបញ្ហាអ្វីជាប់ខ្លួនបានជាបាត់មុខក្នុងពេលទីផ្សារចាប់ ផ្ដើមបើកយ៉ាងនេះ។

ជំនួប សន្ទនាតាមទូរស័ព្ទជាមួយ Sabayថ្មីៗនេះ តារាសម្ដែង អតីតបវរកញ្ញាឯកលេខ៣ ប្រ៊ីដស្តុន រូបនេះ ប្រាប់ថា នាងមិនមានបញ្ហាអ្វីទេ គ្រាន់តែហត់នឿយខ្លាំងពេកជាមួយការសម្ដែង ទើបលៃពេលចង់សម្រាកមួយរយៈ តែមិនឈប់ពីសិល្បៈទេ។ អាង សុនីតា លើកឡើងថា “ខ្ញុំសម្ដែងតែមួយរឿងនេះ ពិបាកពេកទើបចង់រាង រកពេលសម្រាកបន្តិច…”
សុនីតា បន្ថែមថា ភាពយន្តដែលនាងសម្ដែងជាតួឯកលើកទីមួយនោះ ផ្ដើមថតឡើង គឺចាប់ពីពាក់កណ្តាលរឿងមុនតែម្ដង ធ្វើឲ្យអត់សូវយល់សាច់រឿង ដូច្នេះហើយទើបធ្វើឲ្យនាងពិបាកសម្ដែងមែនទែន គឺពិបាកចូលតួ ពិសេសឈុតដែលនាងយំឱបថើបគ្នាជាមួយតួឯកប្រុស រួមទាំងឈុតយំ ក៏នាងយំអត់ចេញទៀត។
ទោះជាបែបណា នាងមិនបានទម្លាក់កំហុសទៅលើផលិតករ ឬអ្នកដឹកនាំរឿងនោះដែរ ព្រោះតែនាងយល់បានខ្លះៗថា ធម្មតាសាច់រឿងដែលថតនៅទីតាំងមួយ ផលិតករត្រូវប្រមូលដកសេកង់(ប្លង់)រឿង មិនថានៅភាគណាទេ ត្រូវយកមកថតឲ្យចប់នៅទីតាំងមួយតែនោះ ទើបដូរទៅថតនៅសេកង់ថ្មី នៅទីតាំងថ្មី។ ប៉ុន្តែ មកពីនាងខ្លួនឯងយល់ថា មិនទាន់អាចស៊ូរួចនាពេលនេះ ទើបចង់ដកឃ្លាឲ្យរាងកាយប្រសើរឡើងសិនដូច្នេះ។

រឿង ហត់ គឺហត់ហើយ តែ អាង សុនីតា ទទួលស្គាល់ថា ខ្សែភាពយន្តដែលនាងសម្ដែងជាតួឯកលើកទីមួយនេះ បានស្ទួយកេរ្តិ៍ឈ្មោះរបស់នាង ឲ្យមហាជនមិនតិចដែរ។ ដូច្នេះហើយ ទើបនាងក៏មិនបានតាំងចិត្តឈប់ទាំងស្រុងតែម្ដងនោះ គឺគ្រាន់តែមួយខ្យល់ វិលវិញហើយ។ ទោះយ៉ាងណា អាង សុនីតា មិនបានបញ្ជាក់ថា ការផ្អាកនោះ មានរយៈពេលប៉ុន្មាន ហើយចូលពេលណាក៏ទេដែរ។
បន្ថែមពីលើនេះ កញ្ញា អាង សុនីតា ក៏ស្នើសុំការអធ្យាស្រ័យ ចំពោះសំណើក្រុមហ៊ុនមួយចំនួនកន្លងមក ឲ្យថតស្ប៉តពាណិជ្ជកម្មឲ្យគេ តែនាងអត់បានទៅ ព្រោះតែនាងជាប់រវល់កិច្ចការមួយចំនួន។
តារាសម្តែងវ័យ ១៩ឆ្នាំ រូបនេះ កន្លងមក ធ្លាប់មានព័ត៌មានចចាមអារ៉ាមថា នាងបានភ្ជាប់ពាក្យជាមួយបុរសម្នាក់ តែត្រូវគ្រួសារខាងប្រុសមិនពេញចិត្ត។ លុះក្រោយមកទៀត ស្រាប់តែបែកធ្លាយព័ត៌មានថា នាងបានសាងស្នេហ៍ជាមួយថៅកែស្ថានីយប្រេងមួយរូប ដែលមានវ័យជាង ៣០ឆ្នាំ ដែលពួកគេបានទំនាក់ទំនងគ្នាជាងពីរឆ្នាំមកហើយ។ ដូច្នេះហើយ ក្នុងពេលដែលទើបចាប់បានតំណែងតួឯកតែម្ដង ហើយចង់ឈប់ដូច្នេះ អាង សុនីតា ពិបាកឲ្យទស្សនិកជនជឿលើហេតុផលខាងលើណា។ ប៉ុន្តែយ៉ាងណាក៏ដោយ ស្រីស្រស់ដីខេត្តក្រចេះរូបនេះ បដិសេធន៍ថា នាងគ្មានរឿងដូចព័ត៌មានលេចឮនោះទេ។
អាង សុនីតា បានចូលប្រឡូកក្នុងវិស័យសិល្បៈ តាំងពីឆ្នាំ២០០៨ ក្រោយពីប្រឡងជាប់ជាកញ្ញាឯក ប្រ៊ីតស្តុន ចំណាត់ថ្នាក់លេខ៣ ។ ក្នុងរយៈពេលនេះ ក្រៅពីថតស្ប៉ត និងសម្ដែងខារ៉ាអូខេជាច្រើនបទ នាងបានចូលរួមសម្ដែងក្នុងខ្សែវីដេអូជាច្រើនរឿងដូចជា រឿង “សម្លាញ់” “កន្ទោងផ្តាច់ព្រលឹង” “ផ្ការីកពេញរដូវ” “វិទ្យាល័យខ្មោច” “ល្មមហើយលោកប្តី” និងរឿង “ខ្មោចពោះធំ” ជាដើម ប៉ុន្តែក្នុងនោះនាងចាប់បានត្រឹមតែតួរាយរង លើកលែងតែរឿង “ម្លប់ឈើផ្ដើមស្នេហ៍”ចុងក្រោយនេះប៉ុណ្ណោះ ដែលនាងបានដើរជាតួឯក ខណៈនាងបង្ហើបថាចង់រាងទៅហើយនេះ៕

Wednesday, August 15, 2012

សៀវ ឡុងនី ស្រីស្អាត និយាយបាន ៣ ភាសា

Liu Yifei ដែលទស្សនិកជនភាគច្រើនស្គាល់នាងតាមរយៈការសម្ដែងជាតួអង្គ សៀវ ឡុងនី គឺជាតារាសម្ដែង តារាម៉ូដែល អ្នករាំ និងតារាចម្រៀងចិនដែលកើតនៅថ្ងៃទី ២៥ ខែ សីហា ឆ្នាំ ១៩៨៧ ។ Liu Yifei មានឈ្មោះផ្លូវការថា Liu Ximeizi។

ឈ្មោះ
ថ្ងៃខែ ឆ្នាំកំណើត
ទីកន្លែងកំណើត
សញ្ជាតិ
កម្ពស់ ទម្ងន់ និង ក្រុមឈាម
ចំណង់ចំណូលចិត្ត
Liu Yi Fei (ឈ្មោះជាភាសាចិន)Crystal Liu (ឈ្មោះជាភាសាអង់គ្លេស)
២៥ ខែ សីហា ១៩៨៧ (ឆ្នាំ ថោះ)
តំបន់ Wuhan ខេត្ត Hubei សាធារណរដ្ឋប្រជាមានិតចិន
អាមេរិក
១៧០ សង់ទីម៉ែត្រទម្ងន់ ៤៨ គីឡូក្រាម
ឈាមប្រភេទ B
ចូលចិត្តលេងកីឡាវាយកូនគោល និង តែន្និស
ជីវិត និងការអប់រំ

Liu Yifei កើតនៅក្នុងមន្ទីរពេទ្យ Tongji ខេត្ត Hubei សាធារណរដ្ឋប្រជាមានិត ចិន។ នាងមានឈ្មោះដើមដំបូងថា An Feng។ នាងគឺជាកូនស្រីទោលនៅក្នុងគ្រួសារដែលមានឪពុកឈ្មោះ An Shaokang ជារដ្ឋលេខាធិការទី ១( 1st Secretary ) នៃស្ថានទូតចិនប្រចាំការនៅក្នុងប្រទេសបារាំង និងជាសាស្ត្រាចារ្យបង្រៀនភាសាបារាំង និងម្ដាយឈ្មោះ Liu Xiaoli ជាអ្នករាំអាជីពម្នាក់ ។ ឪពុកម្ដាយរបស់នាងបានលែងលះគ្នានៅពេលនាងមានអាយុ ៧ ឆ្នាំ ដូច្នេះ នាងត្រូវបានម្ដាយយកទៅចិញ្ចឹមបីបាច់តែម្នាក់ឯង។ នៅក្នុងឆ្នាំដដែលនោះ Liu Yifei បានប្តូរឈ្មោះរបស់នាងទៅជា Liu Ximeizi និងចាប់ផ្ដើមអាជីពដើរបង្ហាញម៉ូដ ហាត់រៀនច្រៀង រាំ និងដេញព្យាណូ។ នាងមានទំនាក់ទំនងស្និទ្ធស្នាលជាមួយឪពុកធម៌របស់នាង Chen Jinfei ជាខ្លាំង។
នៅពេល Liu Yifei មានអាយុ ១១ ឆ្នាំ នាង និងម្ដាយបានប្ដូរលំនៅទៅរស់នៅទីក្រុង New York សហរដ្ឋអាមេរិក ហើយពេលនោះ Liu Yifei ក៏បានចូលរៀននៅសាលា Louis Pasteur Middle School 67។ Liu Yifei បានត្រលប់មករស់នៅប្រទេសចិនវិញក្នុងឆ្នាំ ២០០២ ដោយពេលនោះនាងបានបន្តអាជីពជាតារាសម្ដែងរបស់នាង។ ពីរបីសប្ដាហ៍ក្រោយមក Liu Yifei ត្រូវបានសាលាភាពយន្ត ”Performance Institute of Beijing Film Academy” អនុញ្ញាតឲ្យចូលរៀន។ ពេលនោះនាងមានអាយុ ១៥ ឆ្នាំ។ Liu Yifei បានបញ្ចប់ការសិក្សានៅ Performance Institute of Beijing Film Academy ក្នុងឆ្នាំ ២០០៦។
អាជីព

បន្ទាប់ ពីបានចូលរៀននៅសាលា Beijing Film Academy Liu Yifei ក៏បានទទួលការអញ្ជើញឲ្យចូលសម្ដែងក្នុងភាពយន្តភាគទូរទស្សន៍ជា ច្រើន។ ភាពយន្តទូរទស្សន៍ដែលនាងសម្ដែងដំបូងបង្អស់មានចំណងជើងថា “The Story of a Noble Family”។ ក្រោយមក Liu Yifei ក៏ត្រូវបានគេជ្រើសរើសឲ្យសម្តែងជាតួ Wang Yuyan នៅក្នុងរឿង Demi-Gods and Semi-Devils។
នៅឆ្នាំ ២០០៥ Liu Yifei បានសម្ដែងជាតួ Zhao Ling’er នៅក្នុងរឿង Chinese Paladin ដែលជារឿងយកលំនាំតាមរឿង The Legend of Sword and Fairy។ នៅឆ្នាំបន្ទាប់ Liu Yifei ក៏បានសម្ដែងក្នុងរឿង ភាគទូរទស្សន៍ The Return of the Condor Heroes ផងដែរ។ Liu Yifei បានចូលរួមសម្ដែងក្នុងវីដេអូបទចម្រៀង “I Am Still Waiting For You” របស់តារាចម្រៀង និងសម្តែង Jimmy Lin នៅក្នុងអាល់ប៊ុម Can’t Stop Me ឆ្នាំ ២០០៦។ បន្ទាប់ពីនោះ នាងក៏បានចូលរួមធ្វើជាភ្ញៀវកិត្តិយសនៅក្នុងកម្មវិធីប្រគំតន្ត្រី របស់ Jimmy Lin ផងដែរ។

ក្រៅ ពីអាជីពសម្ដែង Liu Yifei បានចុះកុងត្រាជាមួយផលិតកម្ម Sony Music Entertainment របស់ជប៉ុននៅខែសីហា ឆ្នាំ ២០០៥។ ក្រោយមក Liu Yifei ក៏ចាប់ផ្តើមរៀនច្រៀង និងរាំនៅក្នុងប្រទេសជប៉ុនចាប់ពីពេលនោះមក។ Liu Yifei បានចេញបទចម្រៀងដំបូងមានចំណងជើងថា “Mayonaka no Door” នៅក្នុងផលិតកម្ម Sony Music នៅថ្ងៃទី ១៩ កក្កដា ឆ្នាំ ២០០៦។
នៅ ឆ្នាំ ២០០៨ Liu Yifei បានសម្ដែងជាមួយតារាសម្ដែងពូកែវាយតប់ Jet Li និង Jackie Chan នៅក្នុងរឿង The Forbiddin Kingdomដោយក្នុងរឿងនោះនាងសម្ដែងជាតួកូនកំព្រាម្នាក់ដែលតាមសង សឹកចំពោះសត្រូវដែលសម្លាប់ឪពុកម្ដាយរបស់នាង។ នៅឆ្នាំ ២០១០ Liu Yifei បានសម្ដែងក្នុងរឿង Love In Disguise ជាមួយ Leehom Wang ។
វត្តមានក្នុងភាពយន្តភាគទូរទស្សន៍
- Return of the Condor Heroes (CCTV, 2006) សម្ដែងជាតួ Xiao Long Nu
- Chinese Paladin (2005) សម្តែងជាតួ Zhao Ling Er
- Dou Kou Nian Hua 豆蔻年华 (2005) សម្តែងជាតួ Xiao Zhao
- Tian Long Ba Bu (CCTV, 2003) សម្តែងជាតួWang Yu Yan
- The Story of a Noble Family (CCTV, 2003) សម្តែងជាតួ Bai Xiu Zhu
វត្តមានក្នុងខ្សែភាពយន្ត

- The Four 3 (TBA)
- The Four 2 (in production)
- Peacock Platform (2012) សម្ដែងជាតួ Ling Ju
- The Four (2012)
- White Vengeance (2011) សម្ដែងជាតួ Consort Yu
- A Chinese Ghost Story (2011) សម្ដែងជាតួ Nie Xiao Xian
- Love in Disguise (mini movie, 2010) សម្ដែងជាតួ Song Xiao Qing
- The Forbidden Kingdom (2008) សម្ដែងជាតួ Golden Sparrow
- Ah Bao’s Story (2006) សម្ដែងជាតួ Qian Qian (វត្តមានជាភ្ញៀវកិត្តិយស)
- I Love How You Love Me (2004) សម្តែងជាតួ Jin Qiao Li
- Love of May (2004) សម្តែងជាតួ Zhao Xuan Xuan
Liu Yifei អាចនិយាយបាន ៣ ភាសាគឺ ភាសាចិន(Mandarin) អង់គ្លេស និងជប៉ុន។ នាងរស់នៅសហរដ្ឋអាមេរិករយៈ ៤ ឆ្នាំ(១៩៩៨- ២០០២) មុនពេលនាងត្រលប់មករស់នៅប្រទេសចិនវិញ៕

Hacked by Ahlop

Pages

Sunday, August 19, 2012

របៀបបម្លែង Power Point 2010 ទៅជាឯកសារវីដេអូ

Saturday, August 18, 2012

ត្រៀមខ្លួនទទួល iPhone 5 ហើយឬនៅ?

Friday, August 17, 2012

ដុង ហេ ឈ្នះពានក្នុងរឿង “ស្នាមញញឹមជាថ្មី”

ដុង ហេ ឈ្នះពានក្នុងរឿង “ស្នាមញញឹមជាថ្មី”

អាហារជួយឲ្យសក់ភ្លឺរលោង

Thursday, August 16, 2012

សុខភាពនឹងអាហារសំរាប់ជំនួយរាងកាយ

Instructions

Variations

ស្នហ៏ខ្ញុំ

អាង សុនីតា តែម្ដងចង់រាង…!

Wednesday, August 15, 2012

សៀវ ឡុងនី ស្រីស្អាត និយាយបាន ៣ ភាសា

Total Vistor

Pages

Sunday, August 19, 2012

Saturday, August 18, 2012

Friday, August 17, 2012

ដុង​ ហេ ឈ្នះ​ពាន​ក្នុង​​រឿង​ “ស្នាម​ញញឹម​ជា​ថ្មី​”

Thursday, August 16, 2012

Instructions

Variations

Wednesday, August 15, 2012

ដុង ហេ ឈ្នះពានក្នុងរឿង “ស្នាមញញឹមជាថ្មី”