ប្រណាំងម៉ូតូ រថយន្តឆ្លងកាត់ឧបសគ្គអាស៊ីដល់ដីខ្មែរថ្ងៃនេះ
តាមការគ្រោងទុកការប្រណាំងរថយន្ត និង ម៉ូតូ ឆ្លងកាត់ឧបសគ្គអាស៊ី Asia Cross Country Rally
ឆ្នាំ២០១២ នឹងចូលដល់ច្រកព្រំដែនអន្តរជាតិប៉ោយប៉ែតនៅថ្ងៃនេះ
ក្រោយការចេញដំណើរពី ប៉ាតាយ៉ា ប្រទេសថៃ កាលថ្ងៃទី១២ សីហា
ចុងសប្ដាហ៍មុននេះ។
ការប្រកួតនឹង
ប្រណាំងឆ្លងកាត់ផ្លូវឧបសគ្គនៅកម្ពុជាជាបន្តទៀត
និងត្រូវបញ្ចប់នៅក្រុងអង្គរខេត្តសៀមរាប នៅថ្ងៃទី១៦សីហាស្អែក។
ការ
ប្រកួតដែលមានរយៈចម្ងាយសរុប១៦០០គីឡូម៉ែត្រមួយនេះ
មានកីឡាករមកពីប្រទេសចំនួន៦ចូលរួមគឺ ជប៉ុន ថៃ កូរ៉េ ឥណ្ឌា
តៃវ៉ាន់ និងកម្ពុជា។ ម៉ូតូប្រណាំង សរុបចំនួន២០គ្រឿង
ខណៈដែលកីឡាករកម្ពុជាចូលរួម៤នាក់។ រីរថយន្ត មានចំនួន៨២គ្រឿង
ដែលប្រណាំងប្រជែងតាមភូមិសាស្ត្រផ្លូវ និង
បញ្ចប់នៅទីតាំងជាមួយម៉ូតូដែរ។
ដោយឡែកអ្នកបើកម៉ូតូ៤នាក់ របស់កម្ពុជាដែលចេញដំណើរទៅចូលរួមកាលថ្ងៃទី១០សីហា
នោះ កំពុងតែប្រកួតប្រជែងយ៉ាងស្វិតស្វាញជាមួយ
បណ្ដាកីឡាករអន្តរជាតិ១៦នាក់ផ្សេងទៀត។
តាមការដកស្រង់សម្ដីលើគេហទំព័រ NOCC
មន្ត្រីសហព័ន្ធកីឡាយានយន្តកម្ពុជាលោក លន់ សាមឌី និយាយថា
“តាំងពីចាប់ផ្ដើមមក
ក្រុមយើងមានសុវត្ថិភាពនិងឈ្នះដោយដំណាក់ខ្លះដែរ។
វាជាលើកដំបូងដែលកម្ពុជាយើងចូលរួម ហើយ កំណាត់ផ្លូវពី ប៉ាតាយ៉ា
មកព្រំដែនកម្ពុជា ជាផ្លូវពិបាក
ហើយកីឡាករម្នាក់ៗគឺពឹងលើផែនទីដើម្បីបើកបរ។ ជំនាញបើកបរវិញ
យើងមិនចាញ់គេទេ”។
នេះជាលើកទី៣ហើយ
ដែលកម្មវិធីប្រណាំងម៉ូតូនិងរថយន្តឆ្លងកាត់ឧបសគ្គអាស៊ី
បានបញ្ចប់ដំណើរប្រកួតប្រជែងនៅកម្ពុជា។ កាលលើកដំបូងគឺនៅឆ្នាំ
២០០០ ខណៈដែល ឆ្នាំមុន ក៏កម្មវិធីមួយនេះបានបញ្ចប់យ៉ាងជោគជ័យផងដែរ នៅក្រុងអង្គរខេត្តសៀមរាប៕
អង្គរក្ស ឬក៏មហាផ្ទៃ គ្រងជើងឯករសៀលនេះ?
ក្រុម
បញ្ជាការដ្ឋានអង្គរក្ស ត្រូវប្រឈមមុខនឹងក្រុម ក្រសួងហាផ្ទៃ
វេលាម៉ោង៤រសៀលនេះ ដើម្បីកាត់ក្ដីថានរណា
នឹងក្លាយជាជើងឯកពានរង្វាន់បាល់ទះ Leo Cup National Volleyball 2012 ដែលមានទឹកប្រាក់៤០លានរៀល។
មុន
ឡើងមកពាក់មុខខ្លាដាក់គ្នាថ្ងៃនេះ ក្រុមបញ្ជាការដ្ឋានអង្គរក្ស
បានតស៊ូយ៉ាងស្វិតស្វាញដើម្បីបញ្ចប់ដំណើរក្រុម
កងពលធំអន្តរាគមន៍លេខ៣ដោយលទ្ធផល៣សិតទល់១(២៥ -២២ ២៥-២១ ២០ -២៥ និង២៥ -២២ ) ក្នុង វគ្គ១/២ រសៀលថ្ងៃទី៣សីហា ម្សិលមិញ ។
ដោយឡែកការប្រឹងប្រែងដើម្បីស្វែងរកឱកាសទៅកាន់វគ្គផ្ដាច់ព្រ័ត្រ
របស់ក្រុម សាលាខេត្តកំពង់ចាម
បានត្រឹមសូន្យដូចខ្យល់បន្ទាប់ពីរងការបំបាក់៣សិតជាប់គ្នា ( ២៥-១៨ ២៥-១៩ ២៥-១២ ) ក្រោមថ្វីដៃក្រុមខ្លាំង ក្រសួងមហាផ្ទៃ នោះ។
បញ្ជាការដ្ឋានអង្គរក្ស(បៃតង) និងកងពលធំអន្តរាគមន៍លេខ៣
សាលាខេត្តកំពង់ចាម(ទឹកក្រូច) និង ក្រសួងមហាផ្ទៃ
No comments:
Post a Comment